** منتديات أجمل الليالي **

** منتديات أجمل الليالي **
 
الرئيسيةس .و .جبحـثالتسجيلدخول

شاطر | 
 

 اهداء من النسر صاحب الحب الصادق لجميع صبايا وشباب المنتدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النسر جيفارا
ღღ مزاجي صاعد ღღ
ღღ مزاجي صاعد ღღ


ذكر
عدد الرسائل : 115
العمر : 30
تاريخ التسجيل : 26/08/2007

بطاقة الشخصية
أجمل أمير ..:

مُساهمةموضوع: اهداء من النسر صاحب الحب الصادق لجميع صبايا وشباب المنتدي   الأربعاء فبراير 06, 2008 12:47 am


هذه القصائد من أجمل القصائد الغزلية للشاعر الكويتي الرائع :
حامد زيد


القصيده :قرم وفقير



منك العذر وعلي المعذره



لا تحسب حساب هجر ولا هجير


كل ذنب بتذنبه بستغفره



واحد(ن) ما يعذرك ما فيه خير


دور بصدري وطن واستعمره



عندك من الضلع الأول للأخير


عيش فيني وادمر اللي تدمره



واعتذرلي واعتبر سرك ف بير


لا تبشرني بجرح وتذخره



لا تعشمني بفرح وتستخير


ولا تنومني بليل وتسهره



ولا تنام الا وانا جفني سهير


خلني مثل النجوم مبعثره



عيش فيني لا شهيق ولا زفير


لا تقول العفو عند المقدره



خل قلبك صلب وحسابك عسير


المسامح والزعل للمبزره



والا انا لاني زعول ولا صغير


ودي ادري ليه للحزن ثمره



ودي اقطف من قساوتك العبير


ودي اجفل من فراقك واحذره



ودي اعرف لو زعلت شيب يصير


لو تقدر خاطري صدق اكسره



لو صحيح تحبني لا تستشير


ازرع بقلبي سبب يستنفره



اثبت انك غير وان الناس غير


شاعرك ما كل بنت تجرجره



حارت ابه عقول ناس(ن) ما تحير


النسا ما حركوا فيه شعره



ثار عشق وما لقى شي يثير


لو سكت شفت الوقار بمنبره



وان تكلم زمهرير بزمهرير


ما يحضر إلا القلوب مجمهره



وما يغيب الا وعشاقه كثير


إن هجرته تستقر بمحجره



وإن تبعت رضاه ما عينت خير


إعشقه لكن بعد ما تقهره



إبتسم له بس لا شفته كسير


حن لكن حن لا جبت خبره



حب لكن خل حبك بالاخير


لو عطيته وجهك أعطاك ظهره



صد عنه ويتبعك مثل الضرير


لا تحاول تكسبه ما تخسره



صير ثلج يصير لك مثل السعير


ما تميل الا الغصون المثمره



وما يسيل من الجروح الا الغزير


من قبل ما تنقهر منه اقهره



قبل لا يستحقرك خلك حقير


اسكنه حرك جموده بعثره



اعشق اكره عاتب اشره حن غير


انثره لملمه.. لملمه انثره



صد.. ياخي طير لو تقدر تطير


من متى وانا اتحرى لي مره



تثبت اني لا وقعت اوقع كبير


ابك انا مقطوع من غصن شجره



لا صديق ولا رفيق ولا عشير


بدوي(ن) شيب الصبر شعره



ما عرف ريش النعام ولا الحرير


إن غفا كأن السحاب يدثره



وإن صحى يفرش من الرمضا حصير


ماخذ(ن) من قسوة البيد أكثره



ومن شموخ البدو شر(ن) مستطير


جنته صحراه والشوك زهره



والسراب بنظرته مثل الغدير


إن فزع يا مشجعه يا مظفره



من خلقه الله وهو قرم وفقير


كان ما تقدره قل ما تقدره



صير غالي صدق والا لا تصير


الغلا اللي ما تزعزعه اهجره



دام قلبك لا يجار ولا يجير


شوف لك رجل(ن) بليد استحقره



واجد اللي يعشقون بلا ضمير


بس انا لو جبت لي مية مره



ما تحرك فيّ شعره لو تطير



القصيده :الشعــــراء


مابقى الا سود الايام تحرمك الرقاد
كيف الاوهام اتجرأ اتسريك مغبون





من متى تجزع من الدمع وتخاف البعاد؟
من متى تقفي بك ظنون وتجيبك ظنون؟






صرت تاخذ كذبتي صدق، ومزاحي وكاد
لو بقول اني بخونك تحسب اني بخون






ماتعرف ان كل شاعر يهيم بكل واد؟
وانهم دايم يقولون مالا يفعلون؟





ابك انا لاقلت ابنساك وانكرت الوداد
والله اني مانسيتك وولاهم يحزنون






من جزع من صفعة الشمس يطمع بالبراد
ومن فقد وجهاته الخمس يلقى بك ركون






اعتبرها هفوة انسان او كبوة جواد
لو بتسمح فانت غالي ولو تجرح تمون






عد صداتك مروة وطعناتك ضماد
خلهن لاراحن طعون ولا ردن طعون






خنجرك يستاهل الطعن ومتوني شداد
ومنك يازين الخناجر ويا بخت المتون






ردلي حنية المزح باحساس الجماد
خلنا واحد يجي صلب والثاني حنون






موت فيني واندفن فيك بثياب الحداد
وان حييت أموت لرضاك واحيا بك بهون






مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون






ادري ان شجونك شجون واعنادك عناد
والبلا ان عنادك عناد وشجونك شجون






ربك اللي سخرك لي تقود وما تقاد
والله الخالق ولله في خلقه شؤون






ازرع ضلوعي من رضاك وابشر بالحصاد
لعنبو من جيت ترضيه وترد امحزون






بس تسوالك بلد ؟ قول تسوالك بلاد
انت كل العالم بكون ولحالك بكون






مابعد محبتك حب ومرادك مراد
غير كونك سيد حشاي تدري من تكون ؟






نعمتين اختصوا الخلق من جود الجواد
كافل الأرزاق من حيث مالا تعلمون






البنون ونعمة المال بعيون العباد
زينة الدنيا بلا شك في كل العيون






مثل زينة دنيتي بس عندي شي زاد
من عرفتك صاروا المال وانت والبنون






انتشي بك نشوة التيه لعناق الرشاد
وافزع الك فزعة القرم لشهاب الزبون






واحصنك تحصين الأرزاق عن درب الفساد
واعشقك عشق المظاليم لفراق السجون






لو تزيد الشوق جمرة تحولني رماد
لو يزيد العشق شعرة بوصل للجنون






خل هقواتك كبيرة ونظراتك بعاد
كانك انت بكبرك تهون من اللي ما يهون ؟






ازعلك وارهن حياتي تحت رحمة زناد
تهبى لا والله الا انت والموت تهبون






عاد اذا ما ارضاك هرجي ولا اللي قلت فاد
اننا لله وانا اليه راجعون






وانت باكر بتعرف على ناس جداد
والكلام يجيك من كل شكل وكل لون






لاتحسب ان كل كلمة بتسمعها وكاد
ولا تصدق هرج شاعر وتخدعك الظنون






دايم اعرف كل شاعر يهيم بكل واد
وان هم دايم يقولون ما لا يفعلون



حتى أنا اللي قلت أعشقك وما طيق البعاد
يمكن أطلع ما عشقتك ولا هم يحزنون





القصيده :وش اللي يجبر الشاعر

انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره



ونار تنطفي مره ومره تشتعل وتثور
واقول النار مقدورة وهي ما هيب مقدورة



حسبت الليل بغيابك يمرن الليال دهور
وكني شايل بقلبي ليال الوقت وشهوره


تصبرت وتقدرت وبنيت من الخيال قصور
إلين ان الجفا شد الركايب وانتهى دوره



تحريتك على درب القصيد من ثلاث شهور
وحشا ما مات لك غصن يشف الماي بجذوره



تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره



وانا ما كان لي رغبه أبين واكشف المستور
ولكن الجمال أكبر من الخفاق وشعوره



جمال وود وعيون ودلال وكبرياء شعور
وفتنة تخذل عيون النهار وينطفي نوره



ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة



عرفتك وانتهت رحلة قساوة دربي المهجور
والا يا جملة أيام الجفا والصد مشكورة



خذتني للجفا عزه واخذني للعناد غرور
واخاف اكون بعنادى حبيب ومات بغروره



وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟



وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

صاحب الحب الصادق النسر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mary
ღღ مزاجي متألق ღღ
ღღ مزاجي متألق ღღ
avatar

انثى
عدد الرسائل : 293
العمر : 29
مزاجي : : مزاجية جديدة
تاريخ التسجيل : 04/07/2007

مُساهمةموضوع: رد: اهداء من النسر صاحب الحب الصادق لجميع صبايا وشباب المنتدي   الأربعاء فبراير 06, 2008 8:23 pm

تسلم خيوو ع الموضوع

يعطيك العافية

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
angle girl
ღღ مزاجي جديد جدا ღღ
ღღ مزاجي جديد جدا ღღ
avatar

انثى
عدد الرسائل : 6
العمر : 27
مزاجي : : فى منتهى الروقان
تاريخ التسجيل : 29/01/2008

بطاقة الشخصية
أجمل أمير ..:

مُساهمةموضوع: رد: اهداء من النسر صاحب الحب الصادق لجميع صبايا وشباب المنتدي   الجمعة فبراير 08, 2008 4:53 pm

يسلموووووووووووووو
يعطيك الف عافية
تقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحلى الصبايا
ღღ مزاجي متألق نشيط ღღ
ღღ مزاجي متألق نشيط ღღ
avatar

انثى
عدد الرسائل : 366
العمر : 27
مزاجي : : تماااااااااااام
الدولة : : قلب حبيبي
تاريخ التسجيل : 29/08/2007

مُساهمةموضوع: رد: اهداء من النسر صاحب الحب الصادق لجميع صبايا وشباب المنتدي   السبت فبراير 09, 2008 1:16 am

يسلمو عمووو
تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اهداء من النسر صاحب الحب الصادق لجميع صبايا وشباب المنتدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
** منتديات أجمل الليالي ** :: المنتديات الأدبية :: ღღ منتدى الشعر والنثر ღღ-
انتقل الى: